Revista Compa N°48

Rematamos o curso coa publicación da nosa revista Compa. Non vola podedes perder!

 Preme no seguinte enlace:

https://online.fliphtml5.com/wzhaj/fiau/

Semana do libro 2024

 Actividades especiais polo Día do Libro na biblio! Información de diferentes libros mesturada, con pistas que nos axudan a colocala no seu exemplar e un buzón para suxerir un libro que nos gustaría ter na biblioteca. 

Diversión, aprendizaxe e nenos e nenas felices!

Día de Rosalía. Na procura do tesouro.

 Para conmemorar o día de Rosalía, organizamos na biblioteca unha busca do tesouro. Como fío conductor, un dos seus poemas e, deixando voar a nosa imaxinación con lanternas máxicas, xerogríficos e códigos segredos... chegamos ao tesouro! 

11 F. Mulleres na ciencia. E ti, de quen vés sendo?

Da man do proxecto de Polos Creativos deseñamos o noso xogo relacionado coas mulleres na ciencia. Todo un éxito na nosa biblioteca! 

Contacontos de Nadal

Para rematar o trimestre e celebrar un momento tan especial do ano, visitaron a nosa biblioteca dous elfos moi especiais...elfos escritores! Léronos algún dos relatos curtos de Nadal do seu libro e, para os máis maiores, falaron da súa traxectoria como escritores. Fixémoslles unha morea de preguntas sobre a súa profesión e falamos de diferentes autores e xéneros. 

Bo Nadal a tod@s! 

Non deixedes de ler e... tamén escribide se así o sentides! 

Día das bibliotecas/Samaín.

Aproveitando que, esta semana previa ao Samaín, conmemórase o 24 de Outubro, Día das Bibliotecas, preparamos a biblio para acoller lendas, historias, contos, sombras... medo, moito medo! Ata unha casiña da bruxa! 

Os/as alumn@s trouxeron contos arrepiantes da casa e compartímolos nos tempos de lecer. 

Terroríficamente divertido!

Arrincamos un novo curso!

 Volven os anaquiños de xadrez, debuxiños, xogos de mesa, lectura e relax.